حماتي راحت علشان 50ج علي ايد اعز الناس ــــ كامله ـــ بقلم هويدا زغلول

وهتخرج منها على خير
احمد
يارب يامنال المهم انتي خلي بالك من نفسك ومن العيال ولو احتاجتكم حاجة روحي لشعبان صاحبي اللي معايا في الشغل وهو هيتصرف وربنا يسترها ومتحتاجوش لحد ابدا
ومشيت منال من عند احمد وهي مڼهارة من العياط عشان صعبان عليها جوزها وعيال اللي مش عارفه هتعمل ايه من بعد ماهو يتحبس
وبكر راح لاخوه وقاله
انا جاي دلوقتي عشان اقولك اني عايز اتجوز في الشقه بتاعت امنا الله يرحمها واظن انت مش محتاج منها حاجة انت عندك شقتك اهي ومش محتاج وانا لسه في أول الطريق وعايز اشوف حياتي
شرين
نعم انت عايز تتجوز في الشقه الكبيرة العريضة بتاعت امك واحنا مناخدش حقنا فيها
بكر
لو سمحتي يا شرين متدخليش بيني وبين اخويا وانا بكلمة هو ومش بكلمك انتي
شرين
طيب ياخويا اهو اخوك عندك وشوفو هيرضي انه هو يسيب حقه في شقة امكم كده بسهوله ولا ايه
بكر
الله ماتتكلم يامراد انت ساكت ليه
مراد
هتكلم اقول ايه يابكر شرين عندها حق انا ليه في شقة امي حق وعايزة
بكر
طيب وان شاء الله بقا هتاخد حقك فيها ازاى يامراد هنقسمها انت تاخد حته وانا هاخد حته
مراد
لا يا بكر انت لو عايز تسكن فيها يبقا تشتري نصيبي فيها واخدو منك فلوس وكاش
بكر
انت بتقول ايه يامراد وانا هجيب لك منين تمن نصيبك في الشقه انت عارف ان الشقه تجيب مبلغ كبير اجيب منين انا مش معايا ولا مليم
مراد
ااه يعني كمان عارف انه الشقه تجيب كتير وطمعان فيها لوحدك ياجدع مش عيب عليك برضو يبقا الشقه دي تتباع وكل واحد ياخد حقه
بكر
انت عايز تفرط في حاجة من ريحة امنا انت بتقول ايه يامراد لا طبعا الشقه هتفضل زي ماهي وانا اللي هتجوز فيها وخلص الكلام
وسبهم ومشي وشرين قالت لمراد
هو اخوك بيستعبط ولا ايه هو مصدق ان امه راحت وعايز يكوش على الشقه انت مش تسكت له يامراد واتصرف معاه
مراد
سبيه انا هعرف اتصرف معاه بقولك ايه انا رايح مشوار وراجع
شرين
رايح فين الساعه دي يامراد ها
مراد
ليه ياشرين هو احنا اخر الليل ذي الساعه لسه 10 بالليل هنزل ااا اسهر شوية مع اصحابي وارجع
شرين
بس انت بقالك فتره كده بقيت بتنزل تسهر كتير مع اصحابك جرا ايه يامراد انت ايه اللي جرالك بقا
مراد
بحاول اخرج واشوف ناس ياشرين عشان اقدر انسي اللي حصل في اليوم ايااه ولا انتي عايزاني افضل قاعد افتكر كل اللي حصل انا مبصدق الايام تعدي عشان اقدر انسي
شرين
ماشي يامراد انسي ياحبيبي لما اشوف اخرتها معاك ايه
ومشي مراد وراح بيت تاني وكانت في واحده مستنياه ولما شافته قالت بدلع
ايه ياحبيبي اتاخرت ليه النهاردة انا حضرت العشا وفضلت قاعده مستنياك كتير
مراد
اعمل ايه بس ياروحي على ماقدرت اخلع من البومة شرين
سوما
طيب ياحبيبي معلش ولا يهمك قوم غير هدومك