حدوته اللبن والغش وعم مغاورى

علبة مش مشكلة ما كدا كدا كانت هتترمي حد هيشتري
لأ طبعا
_ مع إن دي الحقيقة لكن لما يقولوا إلحق بسرعة العرض اللي ميتفوتش العرض دا عشان خاطرك انت بس الكمية محدودة والفترة محدودة هيحصل ايه
هنق طع بعض عشان نلحق طبعا
_ الك دب بيبيع انت لو جيت تخطب واحدة وقالتلك انها كانت تعرف واحد قبلك هتتضايق صح
صح
_ غالبا هتفضل شاكك فيها طول الوقت ومركز معاها
مظبوط
_ مع إن هي قالتلك الحقيقة لكن انت مش عايز تسمع الحقيقة انت عايزها تقولك انت أول كائن ذك ر اشوفه في حياتي طب ازاي دي لو متربية في كهف في أفغانستان أكيد هتكون شافت رج الة غيرك برضو
يمكن عشان الحقيقة صعبة على النفس
_ الحقيقة صعبة عشان ما اتعودناش عليها انت عايش في عالم بيتنفس كدب ناس بتكدب في مشاعرها وناس بتكدب في بيوتها تاريخ بيتزور قدام عينك إعلام بيبيعلك واقع مالوش علاقة بحياتك
أيوه
_ تفتح الفيس تلاقي كل الناس عايشة بشخصيات غير شخصياتها تنزل الشغل تلاقي كله بين افق كله الكدب بقى وقود الحياة لدرجة أنك لو قابلت واحد صادق هتستغربه
صح
_ الدكتور اللي بيحط امتحان زي الزف ت للطلبة بتوعه ويكتبلهم في آخر الورقة مع أطيب التمنيات بالنجاح والتوفيق ما دا ك دب
مظبوط
_ شركة الاتصالات اللي بتسرقك وهي بتقولك عزيزنا العميل وانت لا عزيزهم ولا زف ت
حقيقي
_ قرار رفدك وتش ريدك ورميك في الشارع اللي مكتوب في آخره وتفضلوا بقبول فائق الاحترام والتقدير فين الاحترام والتقدير
عندك حق انا مرة أكلت رغيف حواوشي ب جنيه محبتش طعمه خالص
_ آه عشان دا تقريبا اول رغيف حواوشي حقيقي في حياتك اول مرة تاكل لحمة به ايم
تمام انا فهمتك يا عم مغاوري عايز اربعة كيلو لبن بالمايه كام الحساب
_ ستين جنيه وخلي عنك خالص
ماشي كتر خيرك
_ انت هتخلي بجد وللا إيه هات الفلوس يابا
هو انت مش راجل صادق وبتقول الحقيقة في وش العالم
الكداب
_ أيوه
خلاص ادفع تمن صراحتك
داڤنشي_Davinci
الاصطباحة_Estba7a