جبروت حماتي

بقولك حاجه
يوسف _ بصراحه يا مريم انا ما برتاحش لامك دي وحاسس ان هيحصل مشاكل كثير بيني وبينك بسببها
مريم _ طلع امي من دماغك يا يوسف انت سامع ولا لا امي يا اخويا مش بتاعه مشاكل ولا كلام فاضي
يوسف _ انا عارف ان الكلام معاكي ولا هيودي ولا هيجيب انا قايم انام احسن
مريم _ اسكت مش تقعد اقولك على اللي حصل وبعدها قالتله على كل حاجه
يوسف _ هو انتي بتتكلمي بجد انت عندك قلب علشان تعملي كده تخسري اختك عشان موضوع زي ده ازاي واصلا ازاي اخوكي ما يروحش عزاء حماته
مريم _ ما هو انت كنت عارف يا حبيبي ان هي مطلعه عينه بعدين وانت مالك اصلا بالحوار ده هو انت تعمل زي الهانم شروق وجوزها
يوسف _ صح حاجه غريبه ازاي يبقى عندنا قلب ازاي نحس بالناس ده انتي ومامتك مش عارف عايشين في الدنيا دي ازاي
مريم _ اعمل حسابك يا يوسف لو اتكلمت تاني على ماما بالطريقه اللي انت بتتكلم بها دي انا همشي وهسيبلك البيت
يوسف _ براحتك يا مريم هو انتي فاكره اني هبقى عليكي زي زمان انا كل يوم بكتشف فيكي حاجات ما ينفعش اعشرك بسببها
وبعدها سابها ودخل الاوضه
[[system-code:ad:autoads]]مريم _ بقى انت بتعمل معايا انا كده والله لاوريك يا يوسف انا هعمل فيك ايه
وتاني يوم نزلت عند حماتي. كنت لابسه الوان
الحما _الله اكبر عليكي يا مرات ابني زي القمر شفتي يا بنت الالوان حلوه عليكي ازاي مش الاسود
اسما_ انا لولا عارفه ان اخواتي عمرهم ما هيدخلوني البيت بسبب كل اللي عملته ده انا مكنتش قعدت في البيت ده لحظه واحده والله حرام عليكي انتي وابنك اللي بتعملوه فيا ده
الحما_ انا مش هحاسبك على الكلام اللي انت بتقوليه ده هقول بنت غلبانه وصعبان عليها ان امها راحت ادخلي المطبخ اعمليلي كوبايه قهوه
وبعدها دخلت ونزل احمد وقال
احمد _صباح الخير يا ست الكل شفتي بعملك كل اللي انتي عايزاه ازاي
الحما_ اسمع يا واد انت لازم تروح بيت حماتك وتتكلم مع اخوات مراتك علشان تشوفوا هتعملوا ايه بقى
احمد _ مش فاهم يا ماما هنتكلم في ايه انا ما صدقت ان هي خلاص ما جابتليش سيره النهارده عنهم
الحما مش الشقه اللي هم قاعدين فيها دي يا واد ملك ومراتك ليها فيها لازم الشقه تتباع ومن تاخد نصيبها وبعدها حصل
ولحد هنا تكون خلصت حلقتن