العنيده وعمده الصعيد الجزء التانيه والعشرين بقلم هويدا زغلول

و
دياب
بلاش تتكلمي احسن انتي اللي رفضتني زمان علشان كنت فلاح انا و اهلي زمان و اني كنت شغال عند جدي و معنديش شغل خاص بيا دلوقتي بعد ما سمعتي عن نجاحي جاية و عايزني نسيتي ولا اية عايزه دلوقتى تتجوزي الفلاح بعد ما كبر يا مدام بكرة بتبعيني زيه
بسنت
لا طبعا انت حاجة مختلفة يا دياب انا بحبك و انا انجبرت اتجوز مازن اهلي اللي اجبروني
دياب
انتي رفضتني زمان بارادة منك يا بسنت مش حكاية اهلك اللي جبركي
بسنت
اللي انت متعرفوش يا دياب اني اهلي قبل الامتحان الاخير عرفوا بعلاقتي بيك و رفضوا رفض قاطع وحاولت اقنعهم ولكن مقدرتش هددوني اني لو مبعتش عندك هيخلصوا عليك اختارت اني اضحي يا دياب علشان خاطر انت تعيش و انا جوزني مازن علي طول علشان يضمنوا اني مش هرجع ليك تاني
دياب كان قاعد حيران وزعلان
بسنت
طيب يا دياب انا هسيبك دلوقتي و فكر في كلامي وانا متاكده انك هتوافق علشان بتحبني
قالت بسنت كلامها و خرجت ودياب قعد مكانه شارد
في شركة سلطان كان والده قاعد معه
سالم
مخدتش بالك من حاجة يا سلطان امبارح
سلطان
حاجة اية يا ابوي مش فاهم
سالم
من حديت عمك امبارح عن الجواز
سلطان
ماله يعني كان بيتكلم عادي يا بوي انت فهمت حاجة انا مخدتش بالي منها
سالم
عمك جاي و جايب بناته و بيتكلم في الجواز يعني رايدك تطلب واحدة منهم وتتجوزها
سلطان
لا يا ابوي انا مش رايد حد من بنات عمي
سالم
ليه بس يا ولدي دول بنات ادب و اخلاق و هو مش هيلقي احسن منك يبقي جوز بنته
سلطان
انا عارف يا ابوي انهم ادب واخلاق بس انا شايفهم اخواتي بس يا ابوي
سالم
طيب مين اللي انت حاططها في دماغك و رايدها
سلطان
بصراحة انا معجب بشمس يا ابوي يمكن تصرفس من الاول كان غلط معاها ولكن انا معجب بيها و حاسس بمشاعر ناحيتها
سالم
بصراحة يا سلطان انا خاېف اخوي يزعل او عرف انك هتتجوز واحدة من بره العيلة
سلطان
انا قايل امبارح اني رايد واحدة و مستني الوقت المناسب و ربنا يكرمني بعد الخسارة اللي خسارتها و هروح اتقدم ليها
سالم
ربنا معاك يا ولدي و مين ما يتمناش يناسب القناوي بيه ربنا يوفقك انا هروح المكتب اشوف الشغل اللي ورايا
سلطان
ماشي يا ابوي و ابقي ابعت لي تقارير البضاعة بتاعة الحج سعيد
سالم
حاضر يا سلطان

في بيت رضوي
صفية
نموسيتك كحلي يا بت لسه صاحية الضهرية يا ختي مش وراكي حاجات في البيت تروحي تعمليها و البنات مش ليها مدرسة اهي فاتتهم علشان الهانم نايمة
رضوي
ولله يا حماتي انا في بيتي انام براحتي وبعدين انا مش ورايا حاجة و لا حتي البنات النهاردة مدرستهم اجازه
صفية
اهي ردودك المستفزة دي هي اللي بټعصبني عليكي
رضوي
وانا قولتلك اية بس يا حماتي استغفر الله العظيم يارب انا رايحة