ابني المفتري _كامله_بقلم هويدا زغلول

ربي بقي اخرة تعبنا فيه أنا وأبوه الله يرحمه يطلع ويا ريت مدمن وبس وكمان حرامي ويكون هو السبب في ان ابوه يروح
هند
المهم بقى اللي حصل حصل المهم احنا لازم نلحقه قبل ما يعمل اي مصېبه تاني المره دي جات معانا إحنا الله اعلم بعد كده ممكن يسرق من مين
الأم احلام
هو ده اللي انا خاېفه منه يمد ايده على حد ثاني وفي الاخر تبقى فاضحتنا ما فيش حد شاف زيها مش عارفه كمان هنعمل ايه في حكايه الذهب وخطيبك لو عرف الذهب اتسرق ممكن يعمل ايه
هند
انا هنزل اشتري زيه صيني يا ماما ولو سال هقول له انا بدلته ودفعت الفرق اعمل ايه بس مضطر اكتب عشان خاطر الفضايح
وبعد كام شهر
احمد
يا حبيبتي عدي على وفاه والدك ست شهور واحنا كل شويه ناجل ناجل وانا مش شايف اي سبب للتأجيل احنا هنعمل فرح من غير اي معازيم هيبقى كتب كتاب على الضيق
هند بدموع
بس بابا الله يرحمه كان غالي عليا قوي يستاهل اني ازعل عليه
الام
معلش يا ابني يا احمد اجل الموضوع ده كمان شهرين عشان خاطر انا
احمد
ما انا حضرتك من شهرين جيت وقلت اجله كمان شهرين انا كمان عايز استقر احنا مخطوبين بقى ان اكتر من اربع سنين اصحاب اللي قدي دلوقتي بقى معاهم اولاد
هند
خلاص يا احمد ماما قالتلك شهرين ولو انت مستعجل اوي علي الجواز تقدر تفضها وتتجوز اي حد ثاني وانا مش هقول لك لا
احمد
بقى كده يا هند يعني بعد ما استنى ده كله تقولي لي الكلام ده شاهدة يا حماتي بنتك بتقول اي
احلام
هي بس زعلانه شويه حقك عليا انا انت عارف هند كانت بتحب باباها ازاي
احمد
بس اللي حصل ده إرادة ربنا وكلنا هنروح وانا هعتبر نفسي ما سمعتش اي حاجه من كلامها يا حماتي وهستنى كمان شهرين عشان خاطرك وعشان عمي الله يرحمه وبعد ما مشي خطيبها
هند
تقدري تقولي يا ماما لما يجي بعد شهرين هتقولوا لي ايه مش معانا فلوس اجوزك بيها
احلام
انا هروح لعمك وهجيب منه باقي فلوس الارض وهي اللي هتتجوزي بيها
هند
معقول يا ماما هتجيبي فلوس اللي بناخد منها مصروف كل شهر عشان نعيش بيه
احلام
الفلوس دي كانت متشاله عشان فرحك وانا هبقى اعيش بفلوس معاش ابوك الله يرحمه ويمكن اخوك احمد ربنا يهديه ويرجع تاني البيت ويبقى هو راجل ازاي مع اني بعد اللي حصل مش عايزاه يرجع ثاني
هند
يا رب يا ماما يا رب
عند احمد كان قاعد في مكان مقطوع هو واصحاب الصيع الفاشلين
احمد
وبعدين انا دماغي خرمانه وما فيش معايا ولا جنيه ولازم اخد الجرعة جسمي بيقطعني
هشام
وانا كمان صرفت بكل الفلوس اللي معايا على اخر حقنه والمعلم بركات مش عايز يديني اي حاجه تاني
أحمد
طيب وهنعمل ايه هنفضل كده احنا لازم نلاقي حل على دماغي ھتنفجر
هشام
ما فيش غير حل واحد بس احنا نخش بيتكم ونسرق عفش البيت اللي فيه
احمد
يا عم الحته عندنا بيفضلوا صاحيين اليوم كله ولو حد شافنا واحنا خارجين ممكن يمسكونا انت ناسي ان انا كنت سبب ان ابويا يروح
هشام
يا عم احنا ندخل بيتكم في وقت متاخر مش انت معاك مفتاح البيت يبقى خلاص ما حدش له حاجه