بنتي

وقبل ما نبدا الحكايه اعرفكم بنفسي انا سنيه
ست عايشه في منطقه شعبيه وفي يوم جوزي
صحي وقالي
الزوج
صباح الخير يا وليه هو انتي بتعملي فطار
ليه كده علي الصبح ناويه تخلينا نفطر
العصر بدل المغرب هههههههههههه وبعدها
كان بيمسك علبه السچائر
سنيه
حرام عليك نفسي تصوم يوم واحد في رمضان عيالك اللي اصغر منك بيصوم وانت لا وبعدين هو انت ناسي ان امك قايله ان هي جايه تفطر عندنا النهارده
الاب
يادي ۏجع القلب على الصبح بقى واكيد هتيجي هتجيب اخواتي معاها وانا مش ناقص اعرف
علي الصبح
سنيه
طب بالله عليك ما تتصل بيها واطلعلها باي عذر انا مش عايزه امك تيجي النهارده بصراحه مش ناقصه اي مشاكل خالص وبعدها دخلت حماتي
وقالت
الحما
نعم نعم يا روح امك هو انتي فاكره البيت
دي بيت ابوكي علشان تقولي كده
وانت ي سبع الرجاله هو انت ساكت على كلام مراتك ده ان شاء الله ولا ايه
سيد
خلاص يا امي بقى وانا لو اخذت معاها موقف دلوقتي هنفطر على مائده الرحمن لو عايزاني اعمل كده ما عنديش مشكله
بس بالله عليك انتي عزمتي اخواتي على الفطار ولا ايه اصل انتي عارفه الدنيا غاليه ازاي
الام
كمان يا قلب امك مش عايز
اخواتك يجيوا هنا انا مش فاهمه والوليه
دي عامله فيك اي امال لو كانت
جايبه ليك الواد اللي نفسك فيه كنت عملت
اي
سيد
بقولك اي انا داخل انام احسن لان لو فضلت
واقف معاكي اكتر من كده يا امي انا هفطر
انهارده وبعدها دخل
الحما
وهو ده الاكل اللي قدرك عليه ربنا يا حزينه
انتي امال بتودي فلوسه فين
سنيه
فلوس اي يا حماتي اللي بتتكلمي فيها
انا زهقت والله من العيشه وبعدها دخلت
المطبخ وفي شقه رحاب وإبراهيم
كانت وافقه مع حماتها
رحاب
بالله عليكي يا حماتي شوفي لي 200 جنيه معاكي الانبوبه فضيت وانا كده مش هعرف
اعمل فطار
الحما
خدي يا رحاب بس اوعي تقولي لحماتي لان اكيد مش هيعدي اليوم ده على خير انت عارفه ان كل شويه يقعد يتخانق مع ابراهيم
رحاب
ربنا يخليكي انا هشوف اي واحد يدخل
يروح المخزن يغير لينا الانبوبه وبعدها جابت
واحد من برا وبعدها صحي ابراهيم وقال
ابراهيم
جايبه ليا راجل في عز رمضان يا وليه انت الراجل ده بيعمل ايه هنا في شقتي انطقي
محروس
في ايه يا استاذ ابراهيم انا جاي علشان اغير لها الانبوبه علشان خاطر مش لاقيه راجل هنا يغيرها غيري
ابراهيم
لا والله والمفروض انا بقي اصدق الكلام اللي بتقولوا ده امشي اخرج برا وانتي يا وليه هو انا مش سالك قبل ما انام معاكي فلوس ولا لا قولت لا معيش اي فلوس خالص
رحاب
حرام عليك يا ابراهيم انت كل شويه تمد ايدك عليا اسال امك انا واخده منها الفلوس علشان خاطر اعمل الفطار الانبوبه فضيت وانا مش عارفه
اعمل اي
ابراهيم
لما تاخدي فلوس منها هتروحي جوزك هو اللي يروح يغيرلك الانبوبه