غرام واڼتقام في الصعيد الحزء الثاني بقلم هويدا زغلول

غرام واڼتقام في الصعيد
الجزء التاني
بعد ما زيدان قال كلامة وطلع اوضتة ومنه هي كمان طلعت اوضتها وبهيرة قالت لسعاد
روحي شوفي بتك ياسعاد وبعدين هو اني ولدي ميترفضش ليه هو فيه عيب ولا ايه
طلعت سعاد عند بنتها ودخلت عندها وقالت لها
جرا ايه يابت هو انتي كل حاجة معارضة فيها أكده وعايزة تعملي اللي كيفك ومزاجك وبس ولا ايه فوجي يابت فايز احنا ملناش مأوى غير اهنه ولو عصيتي عمك ديه ممكن يرميني اني وانتي في الشارع
منه
وااه ياما هو اني لازم اوافج على كل كلمة يجولها عمي عشان تبجو مبسوطين هو ليه عايز يمشي كلامه عليا ليه ماتهملوني لحالي بجا
سعاد
اسمعي يابت انتي تسمعي كلام عمك وتنفذيه وبس واوعاكي اشوفك تجولي حاجة غير اللي هو عايزها بلا دلع بنته
ومشيت سعاد وسابت منه قاعده في اوضتها حزينة وبتعيط على حالها ودخلت لها نهى وقالت بخبث
وااه عتبكي ليه يامنه ايه اللي جرا بجا فيه عروسة تبكي أكده لا لا ملكيش حج واصل
منه بعصبيه
امشي اطلعي بره يانهي انتي ايه اللي جابك عندي اهنه غوري يانهي
نهى
اباااي عليكي يامنه بجا أكده تعملي في بت عمك اللي عتخاف عليكي أكده لا لا اني أكده هزعل منيكي جوي وبعدين ماله احمد ماهو زينة الشباب برضك ولا انتي عتفكري في حد غيره
منه
انتي جاية تتمسخري عليا يانهي ما انتي عارفه زين اني عايزة مين فيهم واني كنت فاكراكي بت عمي وصاحبتي وحكيت لك اني عحب مين حوصل ولا لاه
نهى
حوصل بس اني الصراحة أكده استخسرت فيكي فارس وجولت احمد اولي بيكي ده عيحبك ياعبيطة انما فارس انتي ولاااا في باله حتى
منه
طيب اخرجي برة دلوك بدال ماخلص عليكي يانهي غوري من جدامي غوري جبر يلمك
وقالت كلامها وهي بتزقها وتخرجها على بره وقفلت الباب ونهى قالت
ههههه انتي كنتي فاكراني هخليكي تتهني وتعيشي سعيدة يامنه ده بعينك يابت عمي
وبعدها بكام يوم زيدان قال الغفير
اسمع يا مخيمر اني عايز دبايح كاتير جوي عايز كل الناس في البلد تحكي وتتحكي عن فرح احمد ولدي مفهوم
الغفير
امر جنابك يا زيدان بيه اللي تؤمر بيه يتنفذ
زيدان
تمام اني عايزك تروح لكل كبرات البلد وتعزمهم على فرح ولدي عشان الكل يبجا حاضر ومحدش يجول انكم معزمتوناش
الغفير
حاضر يابيه بالاذن اني دلوك
ومشي الغفير وزيدان كان لوحده ودخلت بهيرة عليه وقالت له
ربنا يخليك لينا يا رجلي ويديك الصحة والعافية يارب الناس كلاتها فرحانة باللحمة اللي عتتوزع عليهم الناس الغلابة كاتير يازيدان
زيدان
وعشان أكده عملت دبايح كاتير عشان البلدين يا بهيرة المهم اوعي تكون البت منه لسه منشفه راسها في موضوع الجواز ديه اني معايزش اهل البلد ياكلو وشي ويجولو زيدان جوز بت اخوه لابنه غصبانية
بهيرة
وده مين اللي هيجرا يجول أكده معاش ولا كان يازيدان وبعدين العريس ولدك والعروسة بتك برضك يعني هما التنين لايجين على بعض
زيدان
ربنا يسترها ويعديها على خير يابهيرة الا جلبي مش مطمن
بهيرة
ولما انت جلجان أكده عايز تجوزهم لبعض ليييه يازيدان ايه اللي في راسك ماتفهمني
زيدان
اني عايز اجوزهم لأجل احافظ على بت اخوي واحاجي عليها وتفضل تحت نظري انتي عارفه اخوي مصويني عليها كيف وتاني حاجة عشان افضل محافظ على ورثها اللي هو في رجبتي
بهيرة
ورث ايه ديه يازيدان هو انت مش جولت البنات ماتورثش واصل انت بجا ايه اللي فكرك بالموضوع ديه
زيدان
احنا بنجول البنات ماعتورثش عشان كلام نضحك بيه على نفسينا انما البنات ليها ورث زيها زي الرجاله عشان ديه شرع ربنا واني عمري ماخالف