قصه رمضان_الثالثه _بقلم هويدا زغلول

الحلقه الثالثه
وروحت المكان اللي قالي عليه وبعدها روحت
واول لما دخلت لقيت حماتي بتقولي
نبوية بعصبية
اية يا بت ساعيتن بتجبي طلبات السوق ليه يا اختي كنتي فين يا بت يا سماح انطقي يا بت
سماح
اسفة يا حماتي الله يخليكي اصل ابويا تعب و روحت ليه صدقيني يا حماتي انا مكنتش اقصد اتاخر يا حماتي وفي الوقت ده هي اقعدت وقالت
نبوية
انا مالي انا و مال ابوكي ها ما يتعب تتاخري عليا ليه مش عارفة ان في عزومة النهاردة يا سماح ماشي يا سماح والله العظيم لا اطلعه يا بت يا سماح واياك حسك عينك بعد كده
تروحي لابوكي من غير ما تقولي ليا انجري
يلا يا بت علي المطبخ خلصي اللي وراكي وبعدها
دخلت وفضلت اعيط وقولت
سماح
منك لله يا محمود انت السبب ربنا يخدك يارب واشوف فيك يوم اكيد ده ڠضب من ربنا علشان
[[system-code:ad:autoads]]اللي عملته وفي نهار رمضان كمان
ومحمود كان قاعد في مكتب مع واحد
وبيقول
محمود
ياباشا اية رايك فيا بت من الاخر مفيش زيها و الشغل هيخلص بسرعه يا باشا
سمير
لا حلوة يا محمود برافو عليك مكنتش متوقع انك تجيب حاجه كويسة زي دي علشان كدة في ظرف قدامك يا محمود خده مكافأة ليك
محمود بابتسامة
من يد ما نعدمها يا باشا انا خدمك يا باشا
سمير
خلاص روح انت يا محمود ولما اعوزك هطلبك يلا
محمود
حاضر يا باشا السلام عليكم يا باشا
خرج محمود وهو فرحان و كلم ماجدة
محمود
الو يا بت يا ماجدة بركيلي
ماجدة
ليه يا اخويا فيه اية بسطك اوي كدة
محمود
يا بت لقيت البت اللي الباشا عايزها و ادني قرشين انما اية يا بت يا ماجدة
ماجدة بفرح
ادك كام يا محمود قولي
محمود
اقسم لك بالله العظيم اني لسه لغاية دلوقتي ما عدتهم بس يجي خمسة تلاف جنية كدة يا بت. يا ماجدة
ماجدة
الهم بارك اللهم زيد يارب اقولك هتهم و انا هعينهم ليك يا محمود
محمود
لا يا حبيبتي تعيني اية انا اللي هعينهم بمعرفتي
ماجدة
اية يا محمود مش واثق فيا ولا اية
محمود
ملهاش دعوة بالثقة يا ماجدة يا حبيبتي معروف ان اي راجل بيشيل اي فلوس مع مراته بيرجع مش بيلقيهم علشان كدة متفكريش اني هسيبهملك يا ماجدة
ماجدة
خلاص يا خويا زي ما انت عايز انت حر يا اخويا
يلا سلام اما اروح اعملك صنية بسبوسة تحلي بقك بعد الفطار علشان الخبر الحلو ده يا محمود
محمود
تسلملي ايديك يا حياتي يلا سلام
وبعدها قفل السكه وكان حسين بيتصل بيه وقالو
حسين
الو يا محمود انا فلوسي جاهزه يلا عشان نكتب العقد
محمود
وماله يا خالي تعال نتقابل ونكتب العقود دلوقتي بدام فلوسك جاهزه نتقابل في اي كافيه
حسين
ماشي يا سيدي ابعت لي العنوان وانا هاجي لك بس اخلص بقى
محمود
حاضر يا خالي هقفل و هبعتلك العنوان يلا سلام
حسين
سلام يا محمود وقفل مع محمود ونوال قالت ليه
نوال
ها قالك اية يا حسين
حسين
هيقولي اية يعني يا نوال هيبعتلي العنوان اللي هنقابله فيه يا نوال
نوال.
ماشي يا حسين بس خلص مع بسرعه
بقي وزي ما اتفقنا الحاجه هتكون ب اسمي
حسين
يا ولسه اخلص منه الاول ومن موضوع
البيت وبعدين نشوف موضوع اسمك ولا اسمي
نواب
خلاص يا اخويا مافيش فلوس الاتفاق بينا
كان باين من أوله
حسين
ماشي قومي بقي اعملي الفطار
علشان هنمشي بعد الفطار علي طول
وفي الكافية كان قاعد محمود مع
حسين ومرات خالو وقال
محمود
ازيك يا خالي ازيك يا مرات خالي اية الاخبار
حسين
احنا مش هنقعد نتكلم كتير يا محمود خلينا نخلص اللي احنا جايين علشان
محمود
طيب يا خالي من عينيا العقود جاهزة هنمضيها بس و هاخد الفلوس و بعدين كل واحد هيروح